Når dei første hestehovane har begynt å titte fram langs vegkanten, er det på tide å ta av båtpresenningen og gjere fartøyet klar for våren og ein sommar på «bøljan blå».

Sesongen for dagsturbåtane startar normalt i byrjinga av april og mai, så har du ikkje starta, er det på høg tid å begynne med båtpussen!

Her er reportasjeleiar i Båtmagasinet, Amund Rich Løkens beste tips til korleis du bør stelle båten etter ein vinter under plastdyna:

1. Puss, puss så får du ein smuss(fri) båt
Grundig reingjering av båten utvendig er noko av det første du bør starte med. Dette gjer du enkelt ved å bruke ein høgtrykksspylar langs skroget. Fjern groe under båten, anten med ei skrape, stålbørste, eller høgtrykksspylar på dei litt tøffare partia.

– Den tyngste jobben har du som regel under båten. Elles er det viktig å hugse at vårpussen eigentleg startar allereie hausten året før. Gjer unna mykje av forarbeidet då, så blir jobben enklare når den vintertrøytte båten kjem fram frå presenningen, seier Løken.

Har du riktig forsikring på båten din? Sjekk kva forsikring som passar best for deg og din båt

2. Ta ein ordentleg titt
Når skroget er fritt for smuss, skit, groe, tang og tare, bør du ta ei visuell synfaring av heile båten.

– Kontroller at fartøyet er heilt under skroget, utan teikn til vasslekkasje. Sjå også til at alt som er påmontert sit som det skal, seier båtjournalisten.

Skadar på båten din? Meld skade her

3. Vatn, såpe og polering
Det er viktig at du vaskar skroget godt. Du får kjøpt sjampo som er tilpassa på båt, men vanlege hushaldsprodukt som Zalo gjer også nytta. Prøv å unngå å bruke midlar med sliping. Er skroget veldig stygt, kan det rubbast før polering.

– Det viktigaste er at alt er reint før du begynner å polere. Å leggje på eit nytt lag med voks er noko du bør gjere kvart år, seier Løken.
Er du usikker på kva du skal bruke, kan du alltids spørje i ein båtutstyrsbutikk. Dei vil også hjelpe deg med å finne dei riktige produkta til båttypen din.

4. Brush up
No er det på tide å rette blikket innover. Ta eit skikkeleg «brush up» på eventuelle område med treverk.

– Tredetaljar held seg fine om dei får behandling med olje eller lakk. Ubehandla teak blir grått, medan teaken beheld fargen dersom den får behandling med olje. Dra over med fin sandpapir først, anbefaler Løken.

Elles er det å tørke støv, vaske vindauge, reingjere putetrekk, vaske fenderane og andre overflater. Gå gjerne over fenderlista med aceton på ein klut. Det gjer seg med ei blank og pen fenderlist.

På jakt etter ny båt? Ta kontakt med oss om båtlån

5. Ta «eit djupdykk» i sjølve båten
– Ta ein titt i skrogbotnen innvendig. Sjekk at alt av skroggjennomføringar, kranar og ventilar under vasslinja er i orden, og at det er tett.

Sjå også på kranar og ventilar. Mange av desse er laga i plast, og etter ein vinter med mykje frost kan det oppstå skadar.

– Er det tilfelle, og dei ikkje er tette meir, bør dei bytast ut. Du bør også sjekke bensinslangar og kablar. Kablar til gass og gir bør smørjast med feitt eller grease. Slangen som går frå bensin til motor må vere hundre prosent i orden, tett og heil. Alle slangeklemmer burde også sjekkast og eventuelt etterstrammast, seier båtjournalisten.

Han tilrår også å ta ein titt på alt av kablar. Her bør du sjekke styring, gir og gass, samt passe på at alt er ordentleg smurt med feitt eller grease.

6. Motor- og tennpluggsjekk
Båtmotoren treng også ein vårsjekk.

– Sørg for at det er eit lag med feitt i alle svingbare ledd på båtmotoren. Lyft litt og vri på den utvendig for å kome til ordentleg. Ta av lokket og sjå til at alt i motoren er i orden, også tennpluggane. Er det eit tynt og brunt belegg nedst på pluggen er det ok, men er det tjukt og svart bør du kanskje byte dei ut.

Løken tilrår også å spraye motoren med ein fuktfordriv. Dette gjer du på alle komponentane under lokket i sjølve motoren.

– Det er viktig å halde salt og fukt borte frå motoren til båten. Du bør også skifte girolje i undervasshuset. Dette er noko som blir gjort kvart år, seier båtjournalisten.

7. Byt bensin
Har du ein båt med laus bensintank, må denne tømmast og reingjerast – i alle fall dersom du ikkje har gjort det på ei stund. Dette fordi det kan kome rustflak innvendig etter nokre års bruk.

– Når du har tømt ut det meste lat det vere igjen litt bensin som kan skvulpe med for å «reingjere» tanken, seier Løken.

Også bensin kan bli gamal, minner han på. For å vere på den sikre sida kan det derfor lønne seg å fylle på full tank med ferskt drivstoff.

– Og når du har gjort dette er det berre å ta på seg badetøyet, ta fram nistekorga og satse på at det blir ein skyfri dag på havet med strålande sol, avsluttar Løken.

Ops, det er noko galt med båten. Kva no?
Det er ikkje alltid ting går som det skal, sjølv ikkje når båten er pakka inn i eit tjukt lag med plast, og du som båteigar har gjort alt etter boka. Uventa ting kan skje, og når dei gjer det er det godt å vere riktig forsikra.

Har du båt, eller tenkjer du å kjøpe ein?